Білім берудегі жаңалық-келешек аймағы.

Ақтөбе қаласы №60 жалпы білім беретін орта мектеп жұмысы- тау басынан сылдырап әуенімен  аққан бұлақ іспеттес… Ия, олай деп айтуға негіз бар. Себебі бүгінгі күні білім беру жүйесі жаңа педагогикалық-психологияға негізделуін және ақпараттық құралдарын кеңінен қолданылуын қажет ететіндігін нақ түсінген мектеп мұғалімдері деңгейлік курс бағдарламасы негізінде жұмыс жасап, нәтижеге жетіп отырды.

«Керемет мұғалім көрсетеді, ұлы мұғалім шабыттандырады»-деп ұлы ағылшын ағартушысы Уильям Уарт айтқандай  деңгейлік курс бағдарламасын игерген  мұғалімдердің дәріс сабақтары — өрнегімен әсемделіп тігілген кесте дерсің… Олай деп пікір айтуға негіз бар. Егеменді еліміз , тәуелсіз жеріміздің болашағы -жас өсіп  келе жатқан ұрпақ қолында болса, сол ұрпақты тәрбиелеуде  мектеп ұстаздары  мектебімізде жүргізілген коучинг сессиялар мен «Мектептегі рефлексия» курс сабақтарынан алған сан түрлі әдіс-тәсілдерін меңгеріп, өз сабақтарында шеберлікпен пайдаланып, жұмыс нәтижесін шәкірт жетістігімен көріп келеді.

Еліміздің ертеңгі тізгінін ұстар иесі — бүгінгі жас ұрпақ болса , еліміздің еңсесі енді көтеріліп , тәуелсіз ел атанып, төбемізге ту тігіп, тіліміздің мәртебесі артып, әлемге атымызды  танытып жатқан кезеңде ұлттың, елдің болашағы – жас ұрпақ тәрбиесіне аса мән беріп тер төккен мектеп мұғалімдеріне  еңбектеріңіз жана берсін демекпіз!

Нурманова Жадыра Файзоллақызы