Жасөспірімдер арасындағы қылмыс пен құқық бұзушылықтың алдын алу

13 қазан күні №60 жалпы білім беретін орта мектепте 9-10 сыныптың ер балалары арасында «Жасөспірімдер арасындағы қылмыс пен құқық бұзушылықтың алдын алу” тақырыбында мектеп басшысының бастамасымен тәрбие ісі жөніндегі орынбасарлар жиналыс өткізді. Болашақтың тірегі жасөспірімдер тәрбиесінің тиімді болуы күн тәртібінен түспейтін өзекті мәселе. Бос уақыттың шексіздігі, оны дұрыс пайдалана алмау, педагогикалық  тәрбиелеудің жеткіліксіздігі жасөспірімдер арасында жаман әдеттің кең таралуына, моральдық, құқықтық нормалардың бұзылуына алып келеді. Жиналыс мектеп алаңында болып, барлық санитарлық талаптар қатаң түрде сақталды. Жиналыс барысында жасөспірімдер арасындағы қылмыс пен құқық бұзушылық жөнінде түсіндіру жұмыстары жүргізілді. Оқушылар өздерін қызықтырып жүрген сұрақтарына жауап алды. Бұл бағыттағы жұмыстар алдағы уақытта қашықтықтан оқыту барысында да жүргізіліп отырады. Егеменді де өркениетті елдің бүгіні мен ертеңін өрге бастырар – бүгінгі өрендер. Болашақтың тізгінін ұстайтын олардың атқарар әрекетінің түп тамыры бүгінгі күнмен тығыз байланысты. Сондықтан қазіргі жағдайда  кәмелетке толмағандар арасындағы қылмыспен күрес жүргізу мәселесі жалпы мемлекеттік деңгейде алған бағыттағы міндеттердің бірі болып табылады.