«Жат кылықтардың қыз бала тағдырына әсері» пікірталас

     26 ақпан күні  9-11 класс қыз балаларымен «Жат кылықтардың қыз бала тағдырына әсері» тақырыбында пікірталас өткізілді, оқушылар қыз балаға тән емес қылықтардың, зиянды заттардың адам ағзасына келтіретін кері әсері туралы ой бөлісті. Қатысқаны — 25 оқушы, әр кластан 2-3 оқушы болды.

Мақсаты: қызбалалардың жат қылықтарды ажырата біліп, олардың денсаулығына, ұлт болашағына, рухани болмысына келтіретін зияны туралы түсініктерін дамыту.

 Кіріспе сөз. Қыз тәрбиесі туралы түсінік

Қыз бала тәрбиесінде ислами қағидаттың алатын орны ерекше. Имандылық, инабаттылық, парасаттылық секілді асыл қасиеттер бойларына дарыған қазақ қыздарының арасында заман талабына, батыстық, шығыстық бағытқа еліктеп, ұлттық менталитет ұғымынан, игі дәстүр ізінен аттап кетушілер аз да болса кездесіп жатады.

 «Қыз өссе – елдің көркі» деп атам қазақ өз қыздарын гүлге теңеген, тек әдемілікке теліген. Қазіргі таңда батыстың басқа да Еуропа елдерінің қоғамдық ой-санасында мұсылмандық ағым ланкестіктің, фантизмнің, ұлттық экстремизмнің, есірткі бизнесінің қайнар көзі деген жаңсақ түсінік, ой-пікір қалыптасып отыр, мұндай біржақты көзқарасқа біздің елімізде қолдау көрсетіп жатпағанымен, жала жабылып, қарадай күйе жағылып жатқан шығыстағы мұсылман бауырларымызға күмәнмен қарап, секем алып қалатынымыз бар.

«Қызға қырық үйден тыйым» деп, қыз баланың әлдебір іс-әрекетіне үзілді-кесілді тыйым салу, жылылық танытпай ұрысып, зеку зиян, керісінше баланың жағдайымен санасып сеніміне кіру, сырласып дос бола білу керек.

Отбасы дұрыс, мәдениетті қарым-қатынаста болуы.

Өз ұлтының намысын жоғары қоя білетін, елінің сөзін сөйлейтін жас ұрпақты баулып,тәрбиелеу үшін «мұны білуге әлі ерте, оған тыйым салынады» деген тежеулерді алып тастап, баланы бұғаулы ойдан, шектеулі ұғымдардан құтқару қажет, қайта баланы ойын еркін айта білуге жетілдіріп, білігіне жетелеп отыруымыз керек.

Жас ұрпақты адамға тән табиғи сезіммен өмірді, табиғатты сүйе білуге, құрметтеуге үйрету.

Жаратылыстың ақиқатын, болмысты ашық, бүкпесіз көрсетіп ұғындыруға арналған мектеп — шындықты үйрету мектебі болуы керек.

     Қорытынды: Қызбалаларды ұлттың ұрпағын өмірге келтіруші де,тәрбие беруші де-қыздар. Қаныңда осындай қасиет тамшысы болса, олардың сүтімен сусындаған ұрпақ қандай болмақ? Дене тазалығы мен рухани тазалықты ұштастырған жағдайда ғана бойжеткен қыздарымыз келбетіне мінезі сай қазақтың нәзік те сымбатты, иманжүзді, пайымы мен парасаты биік қазақ қызы деген атқа лайық болайық.