Жаңартылған білім беру бағдарламасы аясында ұзақ мерзімді жоспарлау және қысқа мерзімді жоспарлау

2020 жылдың 15 ақпан күні «Жаңартылған білім беру бағдарламасы аясында ұзақ мерзімді жоспарлау және қысқа мерзімді жоспарлау» тақырыбында тарих әдістемелік бірлестігінің отырысы өтті. Тарих әдістемелік бірлестігінің жетекшісі А.М.Мұқамбетәзиев қысқа мерзімді сабақ жоспарын жазу қадамдарын, сабақ мақсатын оқу мақсатына сәйкес дұрыс қоюды үйретіп, «Жиынтық бағалау кезінде критерийлер қоя білу, оқушыларды уақытты тиімді пайдалануға үйрету» секілді бірнеше сұрақтарға жауап берді. Бұл отырыста жаңартылған білім беру мазмұнына бағдарламаның артықшылықтары, тиімді әдіс-тәсілдер туралы сөз қозғалды. Мұғалімдер қысқа мерзімді жоспарды жоспарлаудағы аса назар аударылуы тиіс оқушылардың бойына құндылықтарды дарыту, тілдік мақсаттар, дескрипторлы тапсырмалар, кері байланыс, рефлексия бойынша шағын топтарда жұмыс жасап, талқылап, өзара тәжірибе алмасты. Отырыс сәтті де, пайдалы өтті.