Жаңаша оқыту-жаңаша көзқарас

Әдістемелік жұмыстар жоспары бойынша 2018 жылдың 03 желтоқсанынан 08 желтоқсанға дейін 3 кластар арасында жоспар бойынша «Жаңаша оқыту-жаңаша көзқарас» апталығы өткізілді. Бұл апталық оқушылардың сабақтағы және сабақтан тыс жұмыстарын   ұйымдастыруға заман талабына сай жол таба білуге арналды.

Мақсаты: Оқушылардың ой-өрісін дамытып,жеке тұлға ретінде қалыптасуына және шығармашылық қабілеттерін ашуда жаңа әдіс-тәсілдер арқылы сапалы білім, өнегелі тәрбие алуын жүзеге асыру. Танымдық белсенділігін арттыру, шығармашылық қабілетін арттыру, талантты оқушыларды айқындау; жауапкершілікке,ұжымдылыққа тәрбиелеу; адамгершілік пен эстетикалық қатынасқа көңіл бөлу;

Міндеттері: Оқушылардың ойлау көрсеткіші қызметінің заңдылықтарын ескере отырып,  оқушының жеке- даралық қабілеттерін арттыру,  нені есте сақтау керек , соған бағыттау;

Оқушылардың қызығушылығын арттыра отырып,өз-өзін ұстау және көпшілік алдында ұстау мәдениетін дағдыландыру;

Апталықты  өткізу мына негізде құрылды:

Әр бала апталықтың барлық  оқиғаларының  белсенді қатысушысы болып табылды. Ол өзінің күшін әртүрлі іс- әрекеттерде сынап көруіне болады: есептер мен мысалдарды шығару, өлең құрастыру, ән айту, қол өнерден шеберлік таныту, өзінің ойларын ұсыну оны іске асыру, сурет салу, көріністерге  қатысу өзі ойлап шығарған есептер мен жұмбақтарды жасыру, шешу, жұмбақтар шешу, айту. Апталық — бұл ұзақтығы 6 күнге созылатын оқыту мен оқу үрдісі. Оқушылар, мұғалімдер, ата-аналар- барлығы онкүндікке белсене  қатысты . Апталықты  өткізу бағдарламасы оқу ісінің әртүрлі формалары мен әдістерін көрсетті. Оқушылардың ойлау қабілеттерін белсенді жетілдіру мақсатында сайыстар, ашық сабақтар және сыныптан тыс іс- шаралар өткізілді.

Әдістемелік бірлестіктің жетекшісі Қожан С.Ж. апталық өткізудің мынадай жоспарын құрды.

Барлық межелеген іс-шаралар уақытында, жоспарға сәйкес өткізілді. Апталық жоғарғы  әдістемелік деңгейде, ұйымдасқан түрде өткізілді. Мұғалімдердің көбісі жақсы ұйымдастырушылық қабілеттерін көрсетіп, мерекелік шығармашылық жағдай қалыптастырды. Оқушылар әр түрлі пәндерден жақсы білімдерін көрсетті, өздерінің білімдерін әр түрлі жағдайда қолдана білді, бір-біріне қолғабыстарын  тигізді, күрделі сұрақтардың  қиын жауаптарын тапты.

Апталық ертегі желісімен  басталды.  Ертегі желісі Ханшайымның  сиқырланғанымен жалғасын тапты. Ханшайымды ояту мақсатында оқушылар 6 күндік тапсырманы орындау қажеттігін Мыстанның 6 жендеті хабарлады. Тапсырмаларды алған оқушылар жұмыстанды.

Екінші жендет тапсырмасын орындау үшін екінші  күні 3 «Ә» сынып жетекшісі Сарбаева Р. «Қанайналым  жүйесінің маңызы » тақырбында  жаратылыстану пәнінен ашық сабақ  өткізді. Бұл заманауи түрдегі нақты қойылым кезеңдеріне құрылған сабақ. Сабақта балалар өздеріне зерттеу арқылы қанайналым жүйесінің маңызы туралы жаңа білім алып, қоржындарын толықтырды. Көптеген тәжіриелер жүргізілді, балалар  тапсырмаларды орындап, өзіндік қорытынды жасады. Қорытындысында сабақтың басында қойылған мақсатына жетті, оқушылар жағымды бағалармен бағаланды. Және «Тонна.Грамм.» тақырыбында математика   пәнінен Жақсыгереева С.сабақ өткізді. Сабақ жоспары  түрлі әдіс-тәсілдермен жоспарланған. Оқушылар топқа бөлініп, тонна туралы ұғыммен танысты. Сабақ Астана қаласына саяхаттау негізінде жүргізілді. Мұғалімнің жетістігі оқушылармен қарым-қатынастың жақсы деңгейде орналастыруы болды. Ескеретін жағдай уақытты үнемдеу.

Үшінші күні, 5 желтоқсан күні 3 жендет тапсырмасын орындау мақсатында «Елді мекендер қандай болады?»  тақырыбында дүниетану пәнінен Отаралина А.  оқушыларды топтастыру арқылы сабақ жүргізді. Сабақта ауыл мен қала өмірі, халқы, тұрмысы туралы түсінік берді.Мұғалімнің ізденгендігі, жаңашылдықпен жұмыс жасайтындығы көрініп тұрды. Оқушылар сабаққа белсене қатысты. Сабақ мақсатына жетті.

Ал «Түбірлес сөздер» тақырыбында  қазақ тілі пәнінен Мырзабаева Т. сабақ жүргізді.  Сабақ барысында оқушылар түрлі дидактикалық тапсырмаларды орындады. Мұғалім сабақ құрылымын түрлендіре білді.  Оқушылармен қарым-қатынасы жақсы. Әр оқушының деңгейіне сай тапсырмалар берді. Ұсыныс: Нұсқауды толық, дұрыс беру.

3 «З» класс жетекші  Нуркасова А.  М.Жұмабаев. «Балалық шақ»  тақырыбында әдебиеттік оқу пәнінен ашық сабақ көрсетті. Сабақ интербелсенді тақтамен жұмыс жасай отырып, оқушылардың қызығушылығын арттыра білді.    Балалар топпен жұмыс істеді. Оқушылар кластермен құрастырды, мәнерлеп өлеңдер оқыды, жаңылтпаштар мен мақал-мәтелдер айтты, 1-2 шумақтан өлеңдер құрастырды. Сабақ оқушылардың оқу дайындығы деңгейіне, дамуына, қызуғышылықтарына сай өткізілді. Балалар сабақтың барлық кезеніңде белсенді болды. Өткізілген сабақ барысында Отанға деген, қазақ халқының салт –дәстүріне деген  сүйіспеншілік сыйластыққа тәрбиелейтін- тәрбиелік міндеттер шешіліп отырды.

6 желтоқсан күні «Ұлпа қарлар»  сайысы Алдиярова Ж. басқаруымен өткізілді. Бұл сайыста ертегі желісі негізінде Ұлпаш ханшайымның кішкентай қаршалары өзара сынға түсті . Сайыс 3 кезеңнен тұрды. Бірінші кезеңде  әр қарша өз жұбын анықтап, топ атауын өзге топ алдында қорғады. Екінші және үшінші кезеңдер бойынша  өнер көрсетіп, марапат кезеңіне тірелді.  Өткізілген іс-шара оқушылардың шығармашылық қабілеттерін дамытты  белсенділігін арттырды. Қатысушылар да көрермендер де сайыс барсындағы әрекеттерден көпке дейн есте сақталатын күшті қауат, жақсы әсер алды.

Сонымен бірге 4 жендет тапсырмасын толық орындау мақсатында 3 «Л» сыныбында мұғалім Шамекей А. жүргізуімен «Какими бывают  вещества»  тақырыбында жаратылыстану  пәнінен сабақ жүргізіп, оқушылар  тәжірибе жасау арқылы сабақ имақсатын айқындай түсті. Мұғалім сабақ құрылымын жаңартылған білім беру мазмұнының әдіс-тәсілдерін толық меңгергендігі көрінді. Жендеттердің осы тақырыптағы сабақты қазақ тілінде көреміз деген тапсырмасымен 3 «О» класында аталмыш тақырыпта сабақ өтті. Жетекшісі Қожан С. Сабақ желісі алғашқы психологиялық ахуалмен басталып, оқушылардың  қызығушылығын арттыру барысында алдыңғы оқытуды ойын түрінде алып, жаңа сабақ тақырыбын шығарып алды.  Топтық жұмыс тапсырмалар жиынымен толықтырылып, жоғарғы  деңгейдегі сабақ қорытыланды.

7 желтоқсан күні 5 жендет тапсырмасын жоспарлы түрде 3»А» класс жетекшісі Тилақбаева Т. математика пәнінен «Есептер шығару» тақырыбына ашық сабақ өткізді. Сабақ барысында өткен білімді бекіту тапсырмалары орындалды. Оқушылар топтаса тапсырмаларды орындады.  Есепті ресурс көздерін пайдалану арқылы жүргізді. Ұсыныс: Сабақ құрылымының бірізділігін қадағалау. АКТ-ны пайдалану.

«Умники и Умницы» кластан тыс шара ұйымдастырылды. Ұйымдастырушылар: Шамекей А. және Сандыбаева Г. 3 орыс тілді кластар аралығында әр класс оқушыларын  интелектуалды ойынды ойната отырып, өзара додаға түсірді. Пән бойынша алған білімдерін ортаға салған оқушылар белсенділік танытты. Әр бөлім бойынша тапсырманы озық орындап келген топ  алға шығып, жоғарғы ұпайды еншілегенін көрсетті. Сайыс тартысты өтті.

8 желтоқсан күні 1 ауысымда оқитын 3 «Ж» класс оқушылары өз білімдерін математика сабағында қөрсетті. Олар «Нұрлы жол» бағдарламасын қолдау мақсатында әр есепті шығара отырып, қазақ ертегісінің үйсіз кейіпкері Алдар Көсеге үй тұрғызды. Сабақта түрлі әдіс-тәсілдер пайдаланылды. Оқушылар алдыңғы оқуларын пысықтау сабағында көрсете алды. Класс жетекшісі Нурманова Ж.Ф.

«Правописание приставок» тақырыбында орыс тілінен Сандыбаева Г. Сабақ өткізіп, 3 «К» класс оқушыларының білімдерінің нық қаланғандығын көрсете білді. Мұғалімнің шеберлігінің молдығы сабақ желісінен аңғарылды. Оқушылар дерлік алған білімдерін өз оқуларында қолдана білді.

«Мақтанышым — Астанам» әдебиеттік оқу пәнінен  Ағмедолла К. сабақ жүргізіп, оқушылардың бас қаламыз Астана туралы түсініктерін кеңейтті. Психологиялық ахуалдан кейін   балалар өткен тақырыптарды қайталап еске түсіреді. Сабақта мұғалім  топтық жұмыс, тапсырмалары бар үлестемелер қолданды. Балалар жұмбақтар шешті.  Өлең жолдарын  суреттеу арқылы автор ойын оқушы санасына құя білді. Топ тапсырмалары арқылы  мұғалім сабақ мақсатына жетті.

Психологиялық ахуалдан кейін   балалар өткен тақырыптарды қайталап еске түсіреді. Сабақта мұғалім  топтық жұмыс, тапсырмалары бар үлестемелер қолданды. Балалар жұмбақтар шешті, жаңа әріпті жазды,  сөздерді буынға  бөлді. Сабақтағы жасаған жұмыстары үшін балалар сыйлыққа Астана символы Бәйтекеректі  алды.

9-желтоқсан  соңғы жендет тапсырмасы   қарастырылды. Онда 3 «Б» класс оқушыларының білімі шыңдалды. Жаратылыстану пәнінен  «Заттар қа,ндай болады?» тақырыбында сабақ өтті. Класс жетекшісі: Алдиярова Ж. Сабақ ойын ойнаумен басталды. Заттардың екі топқа бөлінетінін зерттеу жұмыстары арқылы білді. Өз жұмыстарына қорытында ой түйінделді. Мұғалімнің шеберлігі сабақ үдерісінде байқалды. Оқушылар асыл тастар жайында әңгіме өрбітіп, өздерін бағалады. Сабақ жоғарғы деңгейде өтті.

Жендет тапсырмаларын орындап болған оқушылар ұйымшылдықпен ертегі желісінің мазмұны бойынша хан шаһарына жиналды. Апталықтың жабылу салтанаты ертегі қойылымының сахналауымен аяқталды.  Ұйқыға кеткен ханшайымнан Сиқырлы дуасын алған Мыстан патша еліне дос боп қалады. Ал балалар өнеріне, біліміне риза болған патша оқушыларды марапаттап , мақтау қағаздарын береді. Жеңімпаздар анықталды. Патша жарлығымен отыз күн ойын, қырық күн той болатындығы жарияланып, соңы оқушы өнерлерімен ұласты.   Апталықты өткізу барысында біздің қонақтарымыз мектеп директоры А.А.Тажимишев, бастауыш кластар бойынша  оқу ісі  орынбасарлары Ж.М.Селбаева және И.С.Мураталиева, пән мұғалімдері болды.

Әдістемелік бірлестіктің отырысында бастауыш сынып мұғалімдері өздері өткізген іс-шарасына өзт алдауларын жасады, басқа мұғалімдердің берген  бағаларын тыңдады. Апталық қорытындысын шығара отырып, №60 жалпы білім беретін орта мектептің бастауыш сынып мұғалімдері жоғары жұмыс көрсеткіштерін көрсетті деп сенімді түрде айтуға болады.

Қорытынды:

1. Мұғалімдер іс-шара өткізу  барысында оқытудың заманауи педагогикалық техналогиялар элементтерін және әдістерін қолданды.
2. Мұғалімдердің көбісі өз жұмыстарында заманауи техникалық құралдарды пайдаланды.
3. Оқушылар іс-шараларда өзін-өзі ұйымдастыруда жақсы деңгей көрсетті, мұғалімнің талабын жоғары деңгейде орындады, оқытудың жан-жақты іс-әрекеттерін жеткілікті мөлшерде меңгеру деңгейін көрсетті.
4. Өткізілген іс-шаралар тек оқу ісіндегі білім берудің жақсы деңгейде екенін көрсетпейді, сонымен қатар оқушылармен сыныптан тыс тәрбие жұмыстарын да жүргізеді.

Ұсыныстар:

1. Мұғалімдер сабақты дайындап, өткізгенде, оның нәтижесін көтеру мақсатында «Білім Ленд» сайтын кеңінен қолдансын.
2. Мектеп сайтына апталық материалдары орналастырылсын.
3. Бастауыш сынып мұғалімдеріне апталықты өткізу барысында белсенді ат салысқандары үшін алғыс білдірілсін.

«Жаңаша оқыту-жаңаша көзқарас» атты 3 кластар апталығының

жұмыс сәттерінен көрініс тапқан суреттер