Келеңсіз жағдайлардан аулақ болуға шақырамыз

Мектебімізде оқушылар мектеп табалдырығын алғаш аттаған күннен бастап-ақ, олардың бойында құқықтық мәдениетті қалыптастыру міндеті көзделеді. Шәкірттерге құқықтары мен міндеттері түсіндіріліп, лездемелерде мектеп ережесіне сай нақты талаптарды орындау керектігі үнемі ескертіліп отырады. Мектеп үрдісінде оқу жылы басынан жасөспірімдер арасындағы құқық бұзушылықтың алдын алуда тәрбие бөлімі мен мектеп инспекторы қызметкері бірлесе отырып, өскелең ұрпаққа сапалы құқықтық білім  мен саналы тәрбие беру, құқықбұзушылықтың алдын алу мақсатында жұмыс жүргізіп келеді. Бүгін, жиырма бесінші қаңтар күні мектеп инспекторы мен тәрбие бөлімі кезекші класта білім алып жатқан 5, 9, 11 сынып оқушыларымен кездесіп, құқық бұзушылықтың зардаптарын, салдарын түсіндіре отырып, келеңсіз жағдайлардан аулақ болуға шақырды. Осындай мақсатты ұйымдастырылған жұмыстар мектептегі құқықтық сананың қалыптасуында үлкен рөл атқаратыны сөзсіз.