Кітапхана – руханият ордасы

         Елбасының «Қазақстан — 2030» бағдарламасында «ХХІ – ғасырда білімсіз өмір сүру мүмкін емес, халықты сауатты да салауатты өмірге бағыттауымыз керек» деген сөздері бүгінгі ұрпақ, ертеңгі ел азаматтарына білім мен тәрбие берер жандарға міндеттелген тапсырма іспетті. Бүгінгі күні жас ұрпаққа берілер білім мен тәрбиенің өз мәнінде сапалы болуы бірінші кезекте тұрғаны анық. Осыған орай еліміздегі бірден – бір руханият ордасы – мектеп кітапханасының алар орны ерекше.

Жаңадан бой көтерген № 60 жалпы білім беретін орта мектептің медиа кітапханасында – 42204 дана кітап қоры жинақталған, 2146 оқырманға қызмет көрсетіп отыр. Кітапхана заман талабына сай жабдықталған, оқырмандарға қызмет көрсететін оқу залы, медиа залы, абономент бөлімі бар. Кітапханадағы оқыту процесі оқыту әдістері арқылы жүзеге асады. Оқырманның кітап оқуға ынталандыру мақсатында жеке жұмыстар, көпшілік іс-шаралар, көрнекілік әдістерді қолдану арқылы жүзеге асырылады. Ақпараттық технология заманында балаларды кітап оқуға тарту үнемі жаңа ізденістерді, жаңа әдістерді, жобаларды, дәстүрлі емес шараларды талап етеді. Біздің басты негізгі мақсатымыз – ақпаратты өзі іздеп табатын және сарапқа салатын, өз білімін жетілдіре алатын оқушылар тәрбиелеу. Оқушыларды жүйелі түрде кітап оқуға дағдыландыру барысында  жаңадан бой көтерген мектеп кітапханасында «Кітапханаға кітап сыйла» акциясы ұйымдастырылып, оң нәтиже берген болатын. Бұл акцияға ата-ана, оқушы, мұғалім, осы ауданның тұрғындары атсалысты. Акция нәтижесінде 3178 дана  әртүрлі саладағы қазақ, орыс, шет тіліндегі әдебиттер кітапхана қорына жинақталды.  Бұл кітаптар сараланып оларды қазір мүлік кітабына тіркеліп, есепке алынып мөр басылуда.

Балаларды жүйелі түрде кітап оқуға дағдыландыру барысында біршама жұмыс жасалуда. Бала ерте жастан кітаппен танысса, болашақта ол оқитын адам болады. Сондықтан бастауыш сыныптан бастап баланы кітапхана тарту керек. Осы тұрғыдан бастауыш сынып оқушыларына арнап әртүрлә іс-шалар, викториналық ойындар мен әр тақырыпта кітап көрмелері ұйымдастырып тұрамыз.

Оқу залында бастауыш сынып оқушыларына, жасөспірімдер мен ұстаздарға, көпшілік оқырманға арналған мерзімді басылымдармен кеңінен таныса алады. Олар: «Мөлдір бұлақ», «Балдырған», «Ұлан» т.б.

Кітап оқу дегеніміз – балалардың рухани өмірінің бір жағы. Сондықтан да мектеп оқушысы қалай оқиды және нені оқиды, кітапты қалай түсінеді, кітап оның ойын оята алды ма, кітапқа деген ықыласының түсу себептері қандай екенін сынып жетекшілерімен бірлесіп жүргіземіз.

Мерекелік іс – шаралар

  Ашық көрмелер
     

Оқушылар жетістіктері