Мектеп оқушылары үшін соңғы қоңырау салтанаты өткізілді

Білім ордамызда бастауыш класс оқушылары үшін соңғы қоңырау салтанаты өткізілді. Салтанатты шараның шымылдығы еліміздің Әнұранымен ашылды. Мектеп басшысы Абзал Амантайұлы жиналған қауымға құттықтау тілегін жеткізіп, жыл бойы үздік деп танылған оқушыларға мақтау қағаздарын табыс етті. Мерекелік шарада бүлдіршіндер ұстаздарына  алғыс білдіріп, гүл шоқтарын сыйлады. Сонымен қатар салтанатты жиында ата – аналар мектеп ұжымына ризашылықтарын білдіріп, алғыс айтты. Елімізде рухы биік, ұлт жанашырлары аңсап өткен Тəуелсіз елдің болашағы жарқын, алға қойған мақсаты айқын, көкжиегі кең ел тұтқасын ұстар жеткіншектеріміз көп болсын демекпіз!