Мектеп пен ата-ананың тілдескені — білім мен тәрбиенің үндескені

2019 жылдың 15 қаңтар күні №60 ЖББОМ-да «Мектеп пен ата-ананың тілдескені- білім мен тәрбиенің үндескені» тақырыбында жалпы мектептік ата-аналар жиналысы болды. Жиналыстың мақсаты: №60 ЖББОМ директорының қоғамдық есебі мен жалпы мектептік ата-аналар комитеті есебін тыңдау арқылы мектептің одан әрі даму бағытын айқындау. Жиналысымыздың бүгінгі қонағы «Алматы» ауданы әкімінің орынбасары А.Т.Алжанов болды.
Ата-аналар жиналысы концерттік бағдарламамен ерекше басталды. Одан әрі қамтылған мәселелер:
1. Жалпы мектептік ата-аналар комитетінің төрағасы — Б.Әлиұлының алғысөзі.
2. 2017-2018 оқу жылының қорытындысы бойынша белсенді ата-аналарды қалалық білім бөлінің алғыс хаттарымен салтанатты марапаттау.
3. Мектеп директоры- А.А. Тажимишевтің №60 ЖББОМ-ның 2016-2017, 2017-2018 оқу жылдарында жүргізген жұмыстары бойынша қоғамдық есеп беруі.
4. Жалпы мектептік ата-аналар комитетінің атқарған жұмыстары жөнінде беруі.
5. Балалар мен жасөспірімдер арасындағы девианттық мінез-құлық пен құқықбұзушылықтың алдын алу туралы балалар мен жасөспірімдер жөніндегі мектеп инспекторы – Л.Исказина сөз сөйледі.. 6. Мектептің жалпы ата-аналар комитетінің төрағасы – Б.Әлиұлы жалпы мектептік ата-аналар комитетінің құрамын сайлады.
7. Жалпы мектептік ата-аналар жиналысының шешімін қабылдау.
Жиналыс барысында ата-аналар көкейлеріндегі сұрақтарын (3 ауысымда оқу, 6 күндік оқу жүйесі,т.б.) қойып, қанағаттанарлық жауаптарын алды. Жиналысымыздың қатысушысы «Алматы» ауданы әкімінің орынбасары – А.Т. Алжанов мектеп жұмысын жоғары бағалап, ұжымның ауызбіршілігін айта келіп, №60 ЖББОМ алдыңғы қатарлы мектептердің бірі деп баға берді. Қорытындылай келе, алдағы уақытта мектеп дамуына жағдай жасалғанын және соны ұтымды пайдалануға мектептің үлкен мүмкіндіктері бар деп танылды.