«Менің Отаным – Қазақстан» туристік экспедициялық жасақтардың облыстық слеті

       2021 жылдың мамыр айының 18-күні «Ақтөбе — Дарын» өңірлік ғылыми-тәжірибелік қосымша білім беру орталығы және Қалалық жас туристер стансасы қашықтан «Менің Отаным — Қазақстан» туристік — экспедициялық жасақтарының облыстық слётін ұйымдастырып өткізді.

      Слеттің негізгі мақсат – міндеттері: Ақтөбе облысының балалар мен жасөспірімдер туризмін дамыту, туристік — өлкетану қызметін жүзеге асыру арқылы салауатты өмір салтын насихаттап, балаларды туған өлкенің тарихи, мәдени және рухани мұрасын, кіші Отанын зерттеуге тарту, білім алушылардың іздеу — зерттеу қызметінің дағдыларын жетілдіру, практикалық қызметке қызығушылық танытатын білім алушыларды анықтау және қолдау, ең үздік туристік — өлкетану командаларын анықтау.

      Слетке қала мектептері мен аудандарынан құрылған жасақтар қатысып бақ сынасты. Қатысушыларға тарихи-өлкетану, экологиялық-биологиялық және ғылыми-техникалық бағыттағы өз өлкесінде орындаған жұмыстарын таныстыру, туристік іскерлікті дамыту дағдыларын, тарих пен география бойынша білімдерін көрсету мүмкіндігі берілді. Бұл туристік экспедициялық слетке біздің мектептен 8 «А» класс оқушылары: Көбеген Ернат, Өтеулина Азеля, Тұрғалиев Амирбек  қатысып,  бағдарламаның «экологиялық»  және «туристік»  блоктары бойынша өз  презентациялары мен видеоларын ұсынды. Нәтижесінде, оқушыларымыз,  «Ең керемет туристік өлке» номинациясы бойынша және «Жорықта зардап шеккенге дәрігерге дейінгі көмек көрсету» номинациясы бойынша жеңімпаз атанып, І орынға ие болды.  Жетекшісі: Тубирова Айгерим Ерболовна

Мақала авторы:  Айгерим Тубирова