«Оқы, сыйла, бөліс!»

Кітап – адамзаттың ең асыл қазынасы. Ол ғасырлар бойы жинақталған білім мен даналықтың қайнар көзі. Қандай да бір ерекше оқиғаны немесе мерекені есте қаларлықтай ету үшін ең керемет сыйлықтың бірі – кітап. Себебі ол тек материалдық емес, рухани азық болып табылады.

14 ақпан – махаббат пен сыйластыққа толы күн. Бұл күнді тек ғашықтар мейрамы деп емес, кітап сыйлау арқылы білім мен ізгілік тарататын ерекше күн ретінде атап өтуге болады. 2012 жылдан бері әлемде «Халықаралық кітап сыйлау» күні аталып өтеді. Оның басты мақсаты – адамдарды кітап оқуға баулу, оқуға деген сүйіспеншілікті арттыру және кітап бөлісу дәстүрін дамыту.

Осы атаулы күнге байланысты «Дінмұхамммед Қонаев атындағы жалпы білім беретін орта мектеп-гимназиясының» кітапханасы «Шын жүректен кітап сыйла!» тақырыбында  кітап сыйлау челленджін ұйымдастырды. Челленджге мектеп ұжымы, оқушылармен қатар ата-аналар белсенді ат салысты. Атап айтар болсақ, қазақ тілі мен әдебиеті пәні мұғалімі Есенғұл Мөлдір өзі сынып жетекшілік ететін 5 «Г» сынып оқушыларына Сайын Мұратбековтің «Қылау» шығармасын тарту етті. Ағылшын тілі пәні мұғалімі Қобланова Айгүл мектеп кітапханасына кітап сыйлап өзінің қолтаңбасын ұсынса , бастауыш класс мұғалімі Қожан Сәуле өзінің 2 «А» сыныбымен бірге жас мамандары Нарымова Раушан мен Темирмуханова Нұргүлге өзінің жеке кітапханасынан кітаптарын сыйлады. Сонымен қатар, осы 2 «А» сынып ата-аналары ұйымшылдықпен біріге отырып, мектеп кітапханасына Ілияс Есенберлиннің «Мұхиттан өткен қайық» атты кітабын тарту етту. Бастауыш класс мұғалімі Отаралина Айнұр кеше ғана мектеп табалдырығын аттаған 1 «Ә» сынып оқушыларының ата-аналарымен бірге мектеп кітапханасына қазақ халқының ұлттық рухқа толы «Қобыланды» жырын тарту етті. Мектебіміздің 4 «А» сынып оқушылары өздерінің жеке кітапханасынан әр түрлі кітаптарды әкеліп, мектеп кітапханасына сыйлады. Біздің мектебіміз қазақ сыныбымен қатар, орыс сыныптарына да білім беретін білім ошағы. Бұл атаулы мерекеде орыс сыныптары да қалыс қалмады: бастауыш сынып мұғалімі Сандыбаева Гүлнар өзінің 2 «М» класс оқушыларымен мектеп кітапханасына ертегі  кітаптарын сыйға тарту етті. 4 «П» класс оқушылары өздерінің жетекшісі Алтын Бактыгалиевнамен бірге мектеп кітапханасына біршама кітаптар сыйлады. Бұл атаулы күні кітап сыйлаушылар қатары көріп отырғандарыңыздай саны біршама. Кітап сыйлау күні мектебіміздің кітапханасы жаңа кітаптармен толықты. Оқушылар мен мұғалімдер құнды шығармалар сыйға тартып, білім қорын байыта түсті. Бұл игі шара кітап оқуға деген қызығушылықты арттырып, жас ұрпақты рухани азықпен сусындатуға ықпал етті.

Кітап – білім мен даналықтың кілті. Егер сіз біреуге ерекше, мағыналы сыйлық жасағыңыз келсе, кітаптан артық таңдау жоқ. Сондықтан 14 ақпанда тек махаббаты ғана емес, білімге деген сүйіспеншілікті де таратыңыз – кітап сыйлаңыз!