Сыңғырла, соңғы қоңырау!

Бүгінгі атаулы күн, оқу жылының аяқталуына орай өткізілген салтанатты жиыны «Нұр Ақтөбе» мөлтек ауданында орналасқан №60 жалпы білім беретін орта мектебінде де ұстаздардың жүрек жарды тілегімен, жас жеткіншек оқушылардың сазды әуенімен, түлектердің қимас жырымен соңғы қоңырау үні сыңғыр қақты. Қимастық сезімде толқыған түлектермен бірге, ұстаздар мен ата-аналар да толқынысты қуаныш құшағында болды.
Соңғы қоңырау сыңғыры — мектеп өміріндегі құлаққа жағымды ұстаз бен шәкірт жүрегінде сақталатын ерекше ұмытылмас үн. Қиындығы мен қызығы мол тағы бір оқу жылы артта қалды. Алда жайдары, жарқын жаз, көңілді демалыс, тынымсыз еңбек тоқсаны.
Құрметті ұстаздар қауымы, ата-аналар, мектеп түлектері, оқушылар, баршаңызды оқу жылының аяқталуымен, «Соңғы қоңырау» мерекесімен құттықтаймыз!
Жүректері лүпіл қағып қимастық пен қуаныш, аңсау мен арман сезімдері араласқан осынау сәтте мектебімен қоштасып өмірдің екінші белесіне қадам басқалы тұрған кешегі жас жеткіншек, бүгінгі мектеп түлектеріне қай кезде де терең білім алу жолында жалықпай, талмай ізденіп, ел тізгінін ұстайтын азамат пен азаматша болыңыздар демекпіз!
Мерейлі мақсатпен армандарыңыздың биік белесіне жетіңіздер!
Сәт сапар, саған жас түлек!