«Үздік мұғалім -2020»Республикалық конкурстың облыстық екінші кезеңінің сыйақысы кімге бұйырды? 

  2019-2020 оқу жылында жарияланған Республикалық  «Үздік мұғалім -2020» конкурсының облыстық екінші кезеңі байқауға  қатысушыларды бірнеше кезеңдер бойынша  іріктеп, ақтық сынға алып шықты.Нәтижесінде  суырылып шыққан қатысушы қазанаттарымыз  оқыту мен тәрбиелеудегі түрлі әдіс-тәсілдерді қолдана отырып, меже сызығында өзіндік дара жолдарын  қалдырды.

      Мұғалім мәртебесін көтеру, озық іс-тәжірибені насихаттау,шығармашыл мұғалімдердің  тәжірибесін тарату мақсатында ұйымдастырылған «Үздік педагог-2020» Республикалық конкурсының екінші кезеңінде шашасына шаң жұқтырмайтын жүйріктеріміздің, шығармашыл  ұстаздарымыздың  кәсіби шеберлігі, ерекше қабілеті, жаңашылдығы ескерілді. Жүзден жүйрік,мыңнан тұлпар  шыққан қазанаттарымыз өскелең ұрпақты оқыту мен тәрбиелеудегі  шығармашылық жетістіктері, жаңартылған білім беру технологияларын дамытуы, жаңа мазмұн,тың  идеяларын  ортаға сала отырып, бой жарыстыратын емес, ой жарыстыратын сында өздерінің ұшқыр ой, терең білімдерін жұртшылыққа жаңа  қырынан көрсете білді.

     Осы додада №60 жалпы білім беретін орта мектеп директорының оқу ісі жөніндегі орынбасары, информатика пәнінің мұғалімі Әбен  Талғат жеңімпаз атанып, облыс әкімі Оразалин Оңдасын Сейілұлының 833400 теңге көлеміндегі сыйақы сертификатымен марапатталды.

    Жеңімпаз жүйрігімізді  жүлделі жетістігімен құттықтай отырып, шығар шыңы биік,алар асулары асқақ болсын дейміз!

     Шығармашылығыңыз шыңдала берсін,ҰЖЫМ МАҚТАНЫШЫ!