«Үштік одақ: ата-ана, мұғалім, оқушы» ашық есік күні

2018-2019 оқу жылына арналған № 60 жалпы білім беретін орта мектеп жұмысының жоспары және білім беру саласының ашықтығын қамтамасыз ету мақсатында 2018 жылдың 11-12 желтоқсан күндері 3 класс ата – аналары үшін «Ашық есік» күні ұйымдастырылды.

Ұрпаққа тәлім беруде, білім сапасын жақсарту жолында, мектеп, ата-ана және оқушы үштік одақ болып жұмыла белсенділік танытуы оң нәтижеге қол жеткізері сөзсіз.  Осы орайда мектеп және ата-ана байланысын жүйелі жолға қойып, ынтымақтасты нығайту мақсатында мектеп жұмысының жоспарына сәйкес 3 класс ата – аналары  үшін «Ашық есік» күні ұйымдастырылды. Ата – аналар үшін қолайлы уақытқа ұйымдастырылған «Ашық есік» күні жақсы нәтиже берді. Ата – аналар өз қалауларымен сынып жетекшісінің де, пән мұғалімдерінің де сабақтарына қатысты. Сабаққа қатысқан ата – анаға сауалнама ұсынылды, сонымен қатар сабақтың өтілу барысын ескеру де ата – аналар тарапынан тыс қалған жоқ. Жалпы 16 кластан 50 сабаққа қатысқан. Ата – ананы сабаққа қатыстыруда белсенділік танытқан сынып жетекшілер де болды. Атап айтсақ, 3 «Д» класс жетекшісі Отаралина А. Е.- 16 сабақ, Нугманова Ж. Ф – 7 сабақ, Сарбаева Р. А – 6 сабақ, Нұрқасова А. Е- 6 сабақ. Қалған сыныптарға 2 — 5 сабақтан қатысқан.

Сауалнаманың нәтижесі бойынша ата – аналардың көп бөлігінің пікірі мектепте оқушылардың сапалы білім алуы мұғалімнің берген білімі мен ата – ананың қадағалауына байланысты. Ата – ана мұғаліммен тығыз қарым – қатынаста болып, мұғалім балаларымен достық қарым – қатынаста болғанын қалайтындары белгілі болды.

Ата – аналар дән риза. Сабақ соңында ұсыныстары мен пікірлерін қалдырған. Сабақтың жоғары деңгейде ұйымдастырылғаны, мұғалімнің шеберлігі, оқушымен тығыз қарым – қатынасы, оқушылардың сабаққа қатысуы, жаңартылған білім беру мазмұнының тиімділігі төңірегінде пікірлер жазылған. Сонымен қоса «Ашық есік» жиі ұйымдастырылып тұрса деген ұсыныстар да болды. Ата – аналар ұстаздарға шығармашылық табыс тілеп, алғыстарын білдірді.