«ӘР САБАҚ -МҰҒАЛІМНІҢ ІЗДЕНІСІНІҢ ЖЕМІСІ» тақырыбында жас мамандарға арналған отырыс өтті

2023 жылдың 11 қараша күні «Жас мамандар мектебінің» жоспарына сәйкес «Әр сабақ – мұғалімнің ізденісінің жемісі» тақырыбында жас мамандарға әдістемелік көмек көрсетілді.                                                 

Мақсаты: Жас мамандар мен оларға бекітілген тәлімгер мұғалімдерінің тәжірибе алмасуын ұйымдастыру, жас мұғалімдердің тәжірибесінде кездесіп жүрген сұрақтарға жауап беру, әдістемелік көмек және психологиялық қолдау көрсету.    

М.Н.Ербозымова – мектеп-гимназия директорының оқу ісі жөніндегі орынбасары. «Электронды портфолионы дұрыс рәсімдеудің әдістемелік негіздері» тақырыбында жас мамандарға  электронды портфолиоға құжаттарды  жүктеу қадамдарын түсіндірді, портфолионың әр бөліміне тоқталып, нақты ақпарат берді.        

 Физика пәнінің мұғалімі Т.С.Алшағырова «Бағалау және оның түрлері» тақырыбында  жас мамандарға түрлі бағалау тәсілдерін көрсетті.

Оқу үшін бағалау мен оқуды бағалауды күнделікті сабақта пайдалану дағдысын қалыптастыру мақсатында жас мамандармен практикалық жұмыстар ұйымдастырды.         

 Математика пәнінің мұғалімі А.Қ.Оразова «Оқушының білім жетістігін бағалауда дескрипторларды қолдану» тақырыбында 5-сыныпта математика пәнінен «Жай бөлшектер» тақырыбына берілген тапсырмаларға дескрипторлар қою, 7-сыныпта геометрия пәнінен теорема дәлелдеу барысында постер қорғаудың дескрипторларын қолдану тәсілдерін көрсетті.    

Технология пәнінің мұғалімі А.К.Айтбаев және мұғалімге бекітілген жас маман Б.М.Турдалин 2023-2024 оқу жылының І тоқсанында жүргізілген жұмыстарының есебіне талдау жасады.

   Мектеп Мектеп директорының оқу ісі жөніндегі орынбасарлары М.Н.Ербозымова, С.Р.Сарина