Қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген Мұқағали Мақатаевтың шығармашылығына арналған “Поэзия! Менімен егіз бе едің?” атты әдеби шара өтті. Шараға 7 “А”, 7 “Б”, 8 “Ә” сыныптың оқушылары қатысып, ақиық ақынның өлеңдерін жатқа айтты, “Бақыт деген” әнін шырқап, поэмаларынан үзінді оқыды. Сондай-ақ, шара барысында мұзбалақ ақынның өмірбаянына арнап түсірілген “Бұл ғасырдан емеспін” фильмінен үзінді көрсетіліп, сұрақтарға жауап алу ойын түрінде ұйымдастырылды. Шараның өтуіне ат салысып, белсенділік танытқан сыныптарға алғыс білдіреміз.