Жалпы білім беретін пәндер бойынша республикалық олимпадада жүлделі орындар иеленген- ЖЕҢІМПАЗДАР ШЕРУІ!

Бүгінгі мерекелік шара — ЖЕҢІМПАЗДАР ШЕРУІ!  Д.Қонаев атындағы жалпы білім беретін орта мектеп-гимназиясының үлкен сахна төрінде жалпы білім беретін пәндер бойынша республикалық олимпадада жүлделі орындар иеленген оқушыларды және олардың ұстаздарын марапаттау салтанаты өтті. Олимпиаданың ІІІ кезеңінде оза шауып, білім шыңында жұлдызы жарқыраған жеңімпаздарымыз облыстық білім басқармасының 1,2,3 дәрежелі дипломдарымен, «Дарын» ОҒТО алғысхаттарымен марапатталды. Баласына жанжақты қолдау білдірген ата-аналарға мектеп директоры атынан алғысхаттар табысталды. Шәкірт жетістігі — ұстаз мерейі. Дарынды оқушыларын бәйгеге қосып, біліммен жеңіске жетуді үйреткен  ұстаздардың еңбегі еленіп, оларға сыйақы — ақшалай сертификаттар табысталды. Мектеп әкімшілігі оқушыларды  мотивациялау мақсатында 8 жеңімпаздың әрқайсысына жазғы каникулда Алматы қаласындағы Д.Қонаев музейіне саяхаттауға жолдама беруді ұйғарды. Жолдама сертификаты оқушыларға келесі  жарыстарда үлкен мотивация болмақ. Барлық жеңімпаздар мен олардың ұстаздарын бүгінгі марапаттарымен шын жүректен құттықтаймыз!