“Мен халқымнан жоғары емеспін”атты қалалық пікірсайысшы оқушылардың жолдастық кездесуі.

Бүгін Д.Қонаев атындағы жалпы білім беретін орта мектебінің «Әділет жаршысы» пікірсайыс клубының ұйымдастыруымен Дінмұхаммед Ахметұлы Қонаев тұлғасын ұлықтау мақсатында «Мен халқымнан жоғары емеспін» атты қалалық пікірсайысшы оқушылардың жолдастық кездесуі ұйымдастырылды. Жолдастық кездесуді алғашқы сөзімен мектеп директоры Тажимишев Абзал Амантайұлы көшбасшы жастарымызға аса көрнекті мемлекет және қоғам қайраткері, үш мәрте Социалистік еңбек ері, Қазақ КСР Ғылым академиясының академигі, техника ғылымдарының докторы— Дінмұхамед Ахметұлы Қонаевтың ерең еңбегін баяндай отырып, пікірсайысшы жастарымызды Қазақстанның болашағы үшін аянбай еңбек етіп, көптеген іс атқарған дара тұлғадай білім мен ғылымды жандарына серік етіп, Қазақстанымызды дамытуға шақырып, ашып берді. Жалындаған жас пікірсайысшыларға тренингті Ақтөбе пікірталас орталығының президенті Аманкелдиева Гүлнұр және спикерлері өткізіп, кездесуге қаламыздың #64,#69,#62,#45 орта мектептерінен жүзге жуық пікірсайысшы қатысты. Тарих пәні мұғалімі Тобылбаев Еркін модераторлығымен «Ата-ананың арманы өз арманыңнан маңыздырақ деп есептейді» және
«Қоғам қажеттіліктен емес, қызығушылықтан дамиды деп есептейді» деген тақырыптарды қамтыған көрсетілім ойындары көрсетіліп, көрермен көңілінен шыға білді. Мектептер арасында достық пен желілік қоғамдастықты дамытуға бағытталған жолдастық кездесу барысында мектеп директорының тәрбие ісі жөніндегі орынбасары Мұқамбетәзиев Әркен Мұқамбетәзиұлы жастарымыздың шешендік қабілетін жоғары бағалап, болашақтарынан зор үміт күтетінін жеткізді.