«ЖАРАТЫЛЫСТАНУ ПӘНДЕРІН ОҚЫТУДА БЕЛСЕНДІ ӘДІСТЕРДІҢ ТИІМДІЛІГІ» ТАҚЫРЫБЫНДА ОБЛЫСТЫҚ СЕМИНАР

Мектебімізде Ақтөбе облыстық «Әдістемелік орталық» КММ-нің жоспарына сәйкес жаратылыстану әдістемелік кафедрасының ұйымдастыруымен «Жаратылыстану пәндерін оқытуда белсенді әдістердің тиімділігі» тақырыбында облыстық семинар өтті. Семинарды Ақтөбе облыстық әдістемелік орталығының әдіскері Тайпакова Назерке Болатовна және мектеп -гимназия директорының орынбасарлары алғы сөзбен ашты. Іс шара барысында бірнеше ашық сабақтар өткізілді. Ашық сабақтарда педагогтер заманауи әдіс-тәсілдерді ұтымды қолданып, жоғары деңгейде ұйымдастыра білді. Семинар тәжірибе алмасу мақсатында өткізілген «Жасанды интеллект арқылы жаратылыстану пәндерін оқыту: заманауи технологияларды тиімді пайдалану» атты коучинг сессиясымен жалғасын тауып, қатысушылар «Рефлексия-заманауи сабақтың бір кезеңі» тақырыбындағы сессия арқылы рефлексия жүргізді. Семинар соңында педагогтерден LiveCloud тақтасы арқылы кері байланыс алынды. Қатысушылар, оның ішінде аудан мектептерінен келген ұстаздар, семинардың ұйымдастырылу деңгейіне жоғары баға беріп, өздерінің  жылы лебіздерін білдірді. Бұл семинар мұғалімдердің кәсіби дамуына және жаратылыстану пәндерін оқытуда заманауи технологияларды қолдану дағдыларын жетілдіруге зор ықпал етті.