1985 жылдың 1 шілдесінде Ақтөбе облысы, Мартөк селосында дүниеге келген. 2002 жылы М.Құсайынов атындағы Ақтөбе облыстық дарынды балалар мектеп интернатын аяқтады. 2002-2006 жылдары Ақтөбе мемлекеттік педагогикалық институтында оқып “Ағылшын және неміс тілдерінің мұғалімі” мамандығына ие болады. 2021-2023 жылдары Қ.Жұбанов атындағы Ақтөбе өңірлік университетінде білім алып “Шетел тілі: екі шет тілі” мамандығы бойынша педагогика ғылымдарының магистрі атағын алды.
Еңбек жолын 2006 жылы Ақтөбе облысы, Алға ауданы Бестамақ орта мектебінен бастаған. 2008-2009 жылдары М.Оспанов атындағы Батыс Қазақстан медициналық академиясында ағылшын тілі пәнінің оқытушысы ретінде еңбек еткен. 2013-2016 жылдары Ақтөбе қаласы, М.Арын атындағы қазақ орта мектебінде ағылшын тілі пәнінің мұғалімі ретінде қызмет атқарған.
2016 жылы Ақтөбе қаласы “№60 жалпы білім беретін орта мектеп” КММ-не ағылшын тілі пәнінің мұғалімі ретінде жұмысқа қабылданды.
2023 жылдың 1 қыркүйегінен бастап директордың оқу ісі жөніндегі орынбасары қызметіне тағайындалды.