2017-2018 оқу жылында мұғалімдердің аттестациядан өту қорытындысы

27 қаңтар 2016 жылғы Қазақстан Республикасы Білім және ғылым министрінің №83 бұйрығына сәйкес «Мек­тепке дейінгі, бастауыш, негізгі орта, жалпы ор­та, техникалық және кәсіптік, орта білімнен ке­йінгі білімнің білім беру бағдарламаларын іске асы­ратын білім беру ұйымдарында жұмыс істейтін педа­гог қызметкерлер мен оларға теңестірілген тұлға­лар­ды аттестаттаудан өткізу қағидалары мен шарттары» бекітілді.

Бекітілген ереже бойынша бі­лік­тілік санатына өту үшін педагогтардың құжат­тарын қабылдау Қазақстан Республикасы Білім және ғылым министрінің 2015 жылғы 9 қарашадағы №632 бұйрығымен бекітілген Мектепке дейінгі тәрбие мен оқыту, бастауыш, негізгі орта, жалпы ор­та, техникалық және кәсіптік, орта білімнен ке­йінгі білім беру бағдарламаларын іске асыратын білім беру ұйымдарының педагог қызметкерлері мен оларға теңестірілген тұлғаларға біліктілік санат­та­рын беру (растау) үшін оларды аттестаттаудан өткі­зуге құжаттарды қабылдау бойынша мемлекеттік көрсетілетін қызмет стандартына сәйкес жүр­гізілуде.

Қазақстан Республикасы Білім және ғылым министрінің 2016 жылғы 27 қаңтардағы №83 бұй­ры­ғының 2-қосымшасы 23-тармағында педагог қыз­меткерлер мен оларға теңестірілген тұлғалардың біліктілік санаттары Қазақстан Республикасының бар­лық аумақтарында бес жыл бойы сақталады. Педагогикалық салада Қазақстан Республикасының шегінде жаңа жұмысқа ауысқан кезде педагог қыз­меткерлердің қазіргі кездегі біліктілік санаты оның қолдану мерзімі аяқталғанға дейін сақталады деп көр­сетілген.

Аттестаттау педагог қызметкер мен оларға теңес­тірілген тұлғалардың біліктілік талаптарына сәйкес­тігін оның кәсіби құзыреттілігін бағалау негізінде анықтау мақсатында, сондай-ақ білім беру ұйымда­ры­ның педагог қызметкерлерін аттестаттаудан өт­кізу кезінде бірыңғай тәсілді қамтамасыз ету үшін жүр­гізіледі.

2017-2018 оқу жылында аттестациядан өту үшін барлығы 31 мұғалім өтініш берді. Аттестаттау ережесіне сәйкес өтініштерді қабылдау 2017 жылдың мамыр айының 22-23 күндері жүргізілді. Оның ішінде:

• Жоғары санатты тағайындауға 5 мұғалім (Канапина Г.С., Жалгасбаева Л.Е., Қожан С.Ж., Тажимишев А.А., Хамитова Г.Ш.);
• Жоғары санатты растауға 2 мұғалім (Конарова Г.С., Кужахметова А.С.);
• Бірінші санатты тағайындауға 8 мұғалім (Бекпанов А.Т., Жалгасова К.С., Жұмағалиева А.А., Отаралина А.Е., Утенов Б.Ф., Жаныбекова А.К., Карагозин Қ.М., Кадырова Г.К.);
• Бірінші санатты қайта растауға 1 мұғалім (Калмағанбетова Б.М.);
• Екінші санатты тағайындауға 12 мұғалім (Кудайбергенов Д.Н., Көбейсінова О.К., Ниязбаганбетова А.А., Тилакбаева Т.Б., Нуркасова А.Е., Сарбаева Р.А., Ермагамбетов С.Н., Таурбаев Т.Р., Ерназарова М.Е., Касимов Е.Н., Кожабаева М.К., Макашев А.М.);
• Екінші санатты қайта растауға 3 мұғалім (Обаева М.О., Сайымова Г.К., Биманова В.Т.) өтініш берді.

2018 жылдың 14-15 ақпан күндері қалалық сараптама тобының отырысына бірінші және жоғары санатқа өтуге, қайта растауға өтініш берген аттестатталушы мұғалімдердің құжаттары зерделеуге ұсынылды. Ұсыныстар мен ескертулер негізінде педагог қызметкерлердің құжаттары қайта қаралды. 2018 жылдың 28-29 наурыз күндері жоғары жəне бірінші санатқа өтетін педагогтардың портфолиосын тексеру жөніндегі қалалық және облыстық аттестациялық комиссия отырысына аттестатталушы мұғалімдердің құжаттары ұсынылды.

2018 жылдың 14 наурыз күні мектепішілік сараптама тобы екінші санатқа аттестатталатын педагог қызметкерлердің құжаттарын зерделеп, сараптама жасады. Осы сараптаманың негізінде берілген ескертулер түзетіліп, 2018 жылдың 17 сәуір күні аттестаттау комиссиясының кезекті отырысы өткізілді. Аттестациядан өткізу ережесінің 2-бөлім, 22-тармақшасына сәйкес аттестаттау аттестатталатын қызметшілердің қатысуымен өткізілді. Аттестаттау комиссиясының мүшелері ұсынылған материалдарды зерделеп, аттестатталушымен әңгімелескен соң, аттестатталушы қызметшіге осы Қағиданың 2-қосымшасына сәйкес бағалау парағы толтырылды.

Мектепішілік, қалалық, облыстық аттестаттау комиссияларының шешіміне сәйкес 15 мұғалім екінші санатқа, 8 мұғалім бірінші санатқа, 6 мұғалім жоғары санатқа сәйкес келеді деп танылды. Жоғарыда аталған тізімдегі мұғалімдердің ішінде оқу жылының басында 2 мұғалім басқа мектепке ауысты.

Директордың ғылыми-әдістемелік ісі жөніндегі орынбасары: Ербозымова М.Н.