2023 жылдың 17-18 мамыр аралығында “Менің Отаным – Қазақстан” туристік – экспедициялық жасақтардың облыстық слеті өтті. Слетке мектебіміздің оқушылары әр түрлі номинациялар бойынша сынға түсіп, екі күндік жарыс нәтижесінде “Туристік кедергілер жолағы” номинациясынан “Қонаев” командасы 3 – орынды жеңіп алды. Команда құрамы: 6″Ж” класс оқушылары –  Изимов Ислам, Менгель Алан, Анищенко Дмитрий. Жарыс барысында “Қиындыққа құзға өрмелеу” номинациясы бойынша 11″ А” класс оқушысы Багижанов Дияз 1 – орын, “Жылдамдыққа құзға өрмелеу” бойынша 3 – орынды жеңіп алса,  10″А” класс оқушысы Новикова Авегия, дәл осы сыннан мүдірмей өтіп,  жүлделі  2 – орынға ие болды.  Слет нәтижесінде мектебіміздің құрама командасы жалпы командалық есепте 3 – орын алып, дипломмен марапатталды.  Жарысқа қатысқан оқушыларға арнайы медальдар және  мадақтамалар табысталды. Команда жетекшісі: Көбейсін Әділбек Көбейсінұлы.

  Мақала авторы: Тубирова Айгерим Ерболовна