Д.Қонаев атындағы жалпы білім беретін орта мектеп-гимназиясының 11 «Б» класс оқушысы Кәрім Аяулым жалпы білім беретін пәндер бойынша республикалық олимпиаданың РЕСПУБЛИКАЛЫҚ кезеңінде «Қазақ тілі және әдебиеті»  пәні бойынша үздік нәтиже көрсеткені үшін Қазақстан Республикасының Оқу-ағарту министрлігінің І дәрежелі дипломымен марапатталды.

Кәрім Аяулым – «Алтын белгіге» үміткер, көптеген жарыстарда үнемі топ жарып жүрген дарынды оқушы:

• Мәшhүр Жүсіп Көпейұлы оқулары бойынша эссе жазудан республикалық байқаудың жүлдегері;
• Жалпы білім беретін пәндер бойынша республикалық пәндік олимпиада -2023 жүлдегері;
• Қанипа Бітібаева атындағы республикалық олимпиада-2022 жүлдегері;

Бала кезінен қазақ тілі және қазақ әдебиеті, Қазақстан тарихын сүйіп оқиды. Болашаққа артар үміті өте зор. Арманы – қазақ тілі және қазақ әдебиетінің мықты маманы, педагог болу. Бұл жолда Аяулымның бағындырған белестері, алар асулары аз емес. Аяулымды ғылым жолына бастап, бағыттаушы –  педагог-шебер, қазақ тілі және әдебиеті мұғалімі Романова Мейрамгүл Картаевна.