“Қартайдым деп алдай көрме өзіңді,

Қарттық жаспен өлшенбейді ешқашан”

“Қартайдым деп алдай көрме өзіңді,
Қарттық жаспен өлшенбейді ешқашан”
Қазынамыз деп қадірлеп өтер ардақты қарт-қарияларымыздың да айтулы мерекесі келіп жетті. Баталы сөз бен аталы сөзге тоқтаған қазақ ұрпағы үшін бұй мерекені сіздермен бөлісіп, жүздеріңізге риясыз күлкі сыйлау – біздің міндет.
Бүгін, Д.Қонаев атындағы жалпы білім беретін орта мектеп-гимназиясында 1 қазан Халықаралық Қарттар күніне орай “Қарттарым – асыл қазынам” тақырыбында мерекелік концерттік шара өткізілді. Қаламыздың мақтаулы әзіл-сықақ театры “Екі езу” мен мектеп оқушыларының ұйымдастыруымен тегін өткен концерттік бағдарламадан асыл қарттарымыз ерекше көңіл күй, ыстық ықыласпен тарасты.
Осы тұста сіздерді мерекелеріңізбен шын жүректен құттықтай келе, ғұмырларыңыз ұрпаққа үлгі, еңбектеріңіз келешекке бағдарлы болсын деп тілейміз. Дендеріңізге саулық, отбасыларыңыздан береке, ынтымақ, шаттық үні үзілмесін.